Friday, December 31, 2010

Kumhlui n kumthar

Kumhlui 2010 chuan mual aliam ta vuah vuah mai, kha kum kha hetiang hian ka thlir let a: Khawvela "Pa" ti a ka koh theih awm chhun, min hmangaihtu leh tun ka dinhmun min luahtirtu, ka engkima engkim chuan mual min liamsana, thihna hlimkawr ruam min pan san a, Vanhmun a min kalsanna kum a ni. Kha kum kha, chanvo pawimawh tak tak ka channa kum a ni a, Ram leh khawtlang kaihhruaina hna ka thawh tanna kum a ni. Kha kum kha chanchintha thehdarhna kawnga ka thawhna kum niin Missionary ka chawm tanna kum a ni a, kha kum vek kha thilpek chi hrang hrang, sum leh bungruaa ka pekchhuah tamber kum a ni bawk
Kha kumah khan  ka faten an zirlaiah tha taka hlawhtlinna an neihna kum a ni a, kha kum vek khan kan chhungkua tumah thinrimin kan inhaulo bawk. Chu kum chu a liam ta!

Kum thar hmel kan lo chuangkaiin kan lo hmu leh ta a, he kumthar hi nikum aia malsawmna ka dawn tamna kum lo ni zawk sela, midangte tana ka in pek uar kum lo ni se. Ka chhungte leh ka thawhpui leh ka bula awm ten keimahah harsatna tawklo se, an tan kei chu malsawmna ni ila, kumthar anih ang ngeiin rilru thar nei ila, chu rilru thar chu:- Than zela hmasawn zel tumna nisela, ka phak ngailoh phakna kum nise, thiltha ka tih ngailoh tihna kum nise, Pathian malsawmna ka dawn tam kum leh keimah kaltlanga midangten malsawmna an dawn tam kum nise ka va ti em! Kum 2010 chu "Mangtha" tiin ka lo thlahliam ta a, Kum 2011 kumthar chu beiseina thar leh duhna leh rinna thar nen hmachhawn turin tun kumthar darkar hmasaber ah hian he thu hi ka lo ziak ta a ni.