Tunlai titi a ka sawi duh zawng

  Tunlai titi a ka sawi duh zawng(mimal ngaihdan )

Tunlai hian kan veng chhungah titi a tam hle a, "phal mai se, phallo maise" tih vel a ri reng mai a, hemi chungchang ah hian tlem sawiduh zawng ka neih hi he blog ah hian kan hnutchhiah teh ang.

Mizoram sorkar in district tinah Motor Terminal  siam nise tha a ti a, he terminal ah hian Bus 25 leh Sumo 50 tal leng ngei ni se,( highway terminal tia sawi pawh ani bawk) tih ngaihdan a neih  zulzui leh  Transport directorate lama hriattir an nih angin hma lak a ni a. Plan leh Project siam turin PWD te ruat an ni a, he project hmang hian Central ah sum dil ani anga, central duhdan anga project leh plan siam anih chuan Terminal chu sak theih ani ang. 

Kolasib district Hospital cum Nursing training school hmunhma tur leh project siamtura lokal PWD Senior Architect chu Kolasib Joint VC OB leh Thingdawl VC ten lo dawngsawngin Hospital 200 beded tur hmunhma te enpui a nih hnu ah, Kolasib lama lokal a tum thu leh a tihtur te kalkhawmte a hriattir a. DTO Office a hriat mailoh avangin tlawmngaih chhuahin Joint VC OB te hian Senior Architect chu  an tawiawm chhunzawm zel a.

Kolasib ah Terminal sakna tur khawilai nge? engtia zau nge? free land ani em? tehfel theih ani em? tihte chu a lokal chhan a nih thu a sawilan hma chuan Transport lam officerte chuan eng ti tura lokal nge a nih pawh  chiang takin an hrelo. Transport officerte chuan hmunhma an neih chu tuna an luahlai zawng hi a nih thu an lo hriattir a, Senior architect pawh a hawihai angreng hle a, fiamthu a (fiamthu taktak a) Hmarveng field ah hian dah theih a ni em tia zawhna chuan a ti nui suk a, a zim lutuk a, a lenglo hle a ni tiin a chhang.

He Terminal (highway terminal) hian Administrative building, booking building, toilets, rest room,  motor (customer) parking, staff quarters leh dawr a awm a ngaih thu leh, central duhdan ang chiaha free land a dah tur a nih thu  leh plan ang taka sak tur a nih thu a sawi chhunzawm nghe nghe a ni.

Department lam hotute chuan an Office building chei leh thawmthat nana sum an tlakchham thu te, office bungruate cheithat a ngaih thu leh tuna an building neih lai mekte chu renovate a Terminal hming put tir maite chu remchang siamdan a awm leh awmloh te zawhna an siam a, mahse Senior Architect chuan chutiang chu thil harsa a nih a rin thu te leh Central a sum dilna tur a nih vanga fimkhur leh dik taka thil tih a ngaih thute a sawi nghe nghe bawk.

Chutia hmunhma  Transport deptt in an neih tak siloh ah chuan Joint VC OB te chuan committee an neih veleh a lo pharh tur leh hmunhma awl hemi atana pe thei turte lo dap an in huam thu an sawi a, chu chu kalkhawmte chuan tha an ti hle a, Joint VC te remruatna chu ngaihchan nise tia thu inthlung in inhmuhkhawmna chu tin darh a ni ta a ni.

Joint VC te chuan he thil pawimawh tak hi ngawihbo pui mai lovin a puang chhuak thuai a, Thingdawl ram leh Rengtekawn ramah an duh ang tawk a zau hmunhma an pek theih thu hriat a ni ta thuai a ni. Chutia hmunhma pethei an awm mek lai chuan Kolasib Hmarvenga NGO hrang hrang leh Games & Sports leh VC te chuan lehkha thuhmun an dawng a, chu chu field kan neih chhun ah ngei hian Termninal dah phalsak tura ngenna a ni.

Hmarveng field reh chhiat a nih tirh khan Hmarveng original int i te rilru chu hliam a lo ni tawh a, chuvangin Social education hnuai atanga Hmarveng Hall sakna tur VC ten an dawn pawh chu hmun laili lo zawk BRTF chhuahsan ram Hmarveng Dinthar ah hmunhma lei chawpa sak tum a lo nih phah tawh a. Hmarveng  hmun tha lai hi a tum 5 na atan Transport deptt hian hman an dil leh ta a ni.

NGO hrang hrang leh GSA leh VC ten lehkha thuhmun an hmuh tak avang chuan mahni zawn theuh ah ngaihtuah a ni ta a, thenkhat chuan an phal a, thenkhat in an phal talo a ni. Thil pakhat erawh chu hriatchian tul tak a awm; ram leilung hi NGO emaw Association emaw ta nilo tih hi.

Mi thenkhat hamthat duhna leh sum it vanga TAWTAWRAWT a hman theih te an lo awm ta nak a, Vantlang inkhawm pawh koh nise a duh leh  duhlo kha in hmachhawn tur an ni mai a, hmarveng mipuite chu hmun 3 ah thenin an awm ta a, a duh, a duhlo leh ngaihdan neilo in.

He field neih nan hian mimal ser kung tamtak kih sak an ni a, an in leh lo ngei pawh sawn sak a ni tawh a, mahse field tur a nih vanga mittui tla chunga kiangta te thlarau chuan eng ngaihdan tak rawn nei ve ang maw. Tuana kan field neih lai mek hi puitling tan chuan field puitling a ni hauh lova, naupang tan erawh chuan a zau nuam khawp mai, YMA Day leh Thalai pawl te tan chuan ni bika punkhawmna hmun remchang ber ala ni reng a field puitling tha tak  a nihna hi tunthleng hian a la vawng him ni pawhin a lang.

Mipuite kan fimkhurna tur pawimawh tak chu " an ti" tih zawng zawng hi awih vek tur a nilo tih hi a ni. pawisa awmsa leh contractor turte pawh thlan fel tawh ni anga sawina te pawh a awm a, helaia Terminal a awm dawnloh chuan Office awmsa zawng zawng pawh hi sawn mai tura  sawina te pawh a awm bawk, mahse tunge hre chiang, eng scheme atanga sak tur nge, eng fund nge? tihte hi mahni in zawh ve nise, tuna office awmsate hi lo sawn ta tak tak se Hmarveng mipuiten kan pek chhan anga an luah loh avangin avaiin kan nei let leh mai tur a ni. Zarkawt mipui entawn tur kan nei tawh.

Vahluk chhu sem an sawi ang maia mahni dawng vek a veng hralh duhna rilru hi Hmarveng hi "ka veng, ka ta" ti tu rilru atang chuan a chhuak ngai lo ang, Hmarveng mi ni thar deuhte rilru atang chuan a chhuak mahna tihte chu  tun tuma ka sawi ve duh mai mai ani a, remchangah kan chhunzawm leh dawn nia.(Kei mi mai mai  ngaihdan ani a, midangte tana na tur emaw huat tur emaw ka lo thailang palh anih chuan anmi hriatthiamna ka ngen chungin mi maimai thilsawi anih vangin huat chi ani love)

Auhmuna Vang vek!

AUHMUNA VANG VEK

        Chhun lama ruah tla tla siin zan lam boruak chu a rit riau a, a lum a, a uap bawk a, hawina lam erawh a thiang nuam viau thung, Thla chu  a chanve a ni tep tawh a, a eng dul nuam hle mai, khawlum dan chu mut tichhuak tawk chiah a ni.

        Eng Hall chiah nge a hming ka hre talo, mipui an thahnem hle a, naupang leh thalai te nu leh pa te an telkim hle. Chung mipui pungkhawmte chuan nghakhlel  takin an hmalam an thlir thup a, enge an beisei ber pawh thenkhat chuan an hrelo.

        Ka Kamis thar hak chu ka duh aiin a te tep nachungin tunlai ah body fit an uar a ka ngaidam thei mai, Cotton Jeans fan thei chi (stretch) dum ka ha a, ka tih thin danin  kekawr mawng dinglam ah  puar alh in wallet ka ak leh a, a chhungah chuan  thil tamtak a awm a, ATM leh ka visiting card chu hmun khatah a awmkhawm a, a pocket pakhatah chuan business card sawm chuang zet a in zep a, pocket khat leh ah chuan Rs.2/- coin leh Sri lanka coins a awm bawk a, a pocket lianber ah chuan Zaia Royte Scooty rawng ang Note sen,  India note siama lianber chi hi a in thauh thap bawk. M & S company  Soft smart shoe dum ka bun a, International trade fair a ka mawza lei ka bun bawk.

        Mipui nghakhlel  tawh chu Stage hma ah chuan an phu lui lui a, an rak teng tung  tawh bawk a, kei erawh chu tan hun chiah a lang thei mai turin stage hnung lama green room ah chuan inpeih at in ka awm a. Ka bul ah chuan mi pakhat hi a rawn vei sek a, a hmel ka hmuh theihloh vangin tunge anih ka hre mai theilo, min hrilh dan chuan chupa chu min puitu tura ruat a ni a, mahse, eng mah a sawi lo.

        A hun athleng ta! mipui tamtak chu an reh duk mai, zei takin stage a microphone an dahna lectrun tereuhte chu ka pan phei a, chutih lai tak chuan  boruak awmdan chu a danglam thut, Chhun leh zan inthenna lai tak, thim silo eng bawk silo, han en reng reng pawha mumang colour diktak mai hian  boruak chu a awm a, “Ladies and Gentlemen” ka han ti a, mipui an au dur  dur mai.
        Enge show tur ni a, tunge koh tur, enge sawi tur tih pawh ka hre miah lova, mahse he hun pui em em ah hian Host ka ni tlat a, ka thu leh hla an ngaichang thup mai. Mahse he hun hi eng hun nge? eng show nge? khawi hmun nge? ka hre tlat lo. Chutia bangbo ang reng taka ka din lai chuan min puitu tura an ruat kha a rawn chhuak a, kawrchung dum a ha a,  a kamis chu mar takin a beng lut a, woodland pheikhawk dark brown a  bun a, a sam chu a tial in a colour a, ka lam panin a rawn kal mut mut a, Facebook a Oznial Ngente profile Picture kha emaw ka ti tlat a, ka bul a lo thlen chuan a nui suk a, hriat theih mangloh hian rang deuh in engemawni a sawi a, anui zui vaka, mipui erawh chuan mak tiin an en thup a, ka lam lo hawileh in keh hui hian, “Chibai” a rawn ti a.
        Chutia programme pawimawh ka host laia tlangnel taka min rawn pana “chibai” min rawn titu chu ka han enchiang a, Stephen Auhmun a lo ni a, a lo nui hui leh nghal! Engemaw ni hi a ri thum dut a, ka phenah a biru zuk a, min pawt dawrh bawk a ka harh ta zawk a. Zan 2 ka muhil tawhlo a  Auhmuna vanga ka han harh leh chu ka thin ava rim tak em!

       

Nu Hlutna

Speech On MOTHERS’ DAY @ Kolasib Corps

8.5.2011

Ram dan leh khawtlang dan pawha thiam channa nei reng reng lo khawpa sual pawh, a ril tam leh a thihbo mai  hlau em em tu pakhat a awm . Zan laiah a lo haw anga, chawthing te a bar duh tak mialin ti a kawngkhar kalh nghet duhlon tu chu; chu chu NU ani.  Naupang na tuar mek chuan chhantu pakhat chiah a mamawha , atan chuan chu aia hlu chhandamtu rewng an awmlo chu chu NU a ni. Pa ber pawh thih ngam natna a neih meuh chuan a bula englai pawha awm reng tura a duh pakhat a awm a, chu chu Nu  ani. Pa ber leh fa te tan a bul leh tawp  pakhat a wm a, chu chu NU hi a ni.

Miss Universe  leh  Pope, khawlaia kutdawh thu thin leh Bill Gates,  Napoleana  leh Osama Bin Laden lo chhuahna  chu NU ani ang bawkin hringfa te bultanna hi Nu a ni. Chu chu  leilung dan ni tura Pathian engkim tithei duan lawk a ni si. Heti fakaua pawimawh leh hlu  hi vawiin hian kan chawimawi a, kan fak a ni.

Nu pawimawhnate tlem te:   

1.       Chhungkaw hlimthla an ni: Chhungkaw darthlalang lianber chu NU hi an ni a, nu chef el chuan fanu chefel a nei thin a, nu hmeltha pawhin fa hmeltha anei thin. Nu ancheh in chhungah nula zaidam a chhuak thei  lova, nu mi rewl ching chuan fa mi rel ching a hring thin, mi nu en la an inchhung I hrethei thin ang.

2.       Zirtirtu Ropui an ni:  Nu te hi chhungkaw zirtirtu ropui an ni a, an hlu em em ani. Inchhung chet chi tinreng  leh mi biangbiak dan te, in leng lo chhawn dan thlenga zirtirtu ropui anni a, he an hlutna hrethiama hmang nasa apiangin fa fing leh  polite an nei thin ani. Kan hlabu chuan, “Ka Nun sipai dan min zirtir, thuawih turin ka local e” a ti.

3.       Tidamtu an ni:  chhungtinte hian natna tawklo kan awmlo vang, chutih huna chhungkaw member zawng zawng te enkawldam thin tu chu Nu an ni. An fa damlo chala an khawih ringawt te, an nui hmel leh an hlim hm,el ringawtte chu fate tan damna ropui a ni a, a ngaihsak ani tih a lantir hi fate tan leh chhungkaw pa tan a tawk em em ani. Thiamna dang engmah neilo mahse Nu in  afa damlo a ngaihsak a, “dam rawh se” alo tih ringawt hi  fate tan damna a ni.

4.       Chhungkaw hlimna : Nuber a men thip chhung chuan inchhung nuam a awm thei lova, fate an leng bo zova, paber pawh ina awm peih lovin alengchhuak hial thin. Nu mit chu faten an en thap a, as nu mitah hlimna kawl eng an hmuh chuan  an tan an inchhung chu vanram a lo chang hial thin. Pa ber hnathawk haw hah em em pawh hian nu hlim hmel a hmuh chuan a chauhna zawng zawng chu  paihbo ang main a bo nghal a, atan hmun dang reng reng a ngai tawh lo.

5.       Ti famkimtu ani:  Pa ber khawilo kal lo haw se, “khawnge I nu?” a rawn ti lut a, naupang ho lahin “Khawnge kanu” an ti bawk. An tello chuan Inchhung hi a ruak vek a,  hla saimtu chuan “An sawi, chun nun nemi tel lochuan, ruak maia then si ar lo ni e” a ti. Chhungpui nu ber in a awm lova  thenawm khawveng leh khawlai a a teibo for eng chuan Pa leh Fa te tan an Inchhung chu ruak maia then Si ar ah a chang thin.

6.       Chhungkua phuarkhawmtu: Chhungkhat laina leh thian that e, thenawm khawveng  te nena min suih khawmtu chu Nu te an ni a,  Nu in a zir loh chuan chhungkua pawh a wm ho theih loh va, laina pawh intlawh a hart lat a, thiante phei chuan an kiansan thin a ni.

7.       Roreltu leh tanpuitu: In chhung khawsak rel chu a kut ah a awm tlat a, Bible pawhin a sawi angin  dawngdahna chhang ei hauh lovin taima takin inchhung a vawng a, a fate a ti faiin a thunun a, a pasal tan chu aia rohlu dang han thlan tur a awm reng reng lo. Naupang lehnaupang kar ah te, puitling kar ah pawh nise harsatna leh buaina a lo thlen in Nu chuan ro a rel fel thuai a, a ti dam  thin.

8.       Hahdamna hmun ani: Nu tang nem chu pasal leh fate tan hahdamna hmun ani a, thawvenna leh engthawlna hmun ani a, thlamuanna hmun ani bawk. Naupang 1 hi huh vekin in ah alo haw a, a u chuan, “Engatinge Nihliap I khumloh”, a lo ti vin hlar a, a unau pakhat leh chuan  “Ruahsur ban ah lo haw mai ta che,” alo ti bawk a, a pa chuan, “Hmun hul ah ruah chu nghak han phawt t ache.” A lo ti bawk a, a nu alokal a,  towel fai tak chu ala a, naupang lu chu  a hruk hul pah chuan,” Chu ruah phiangsen chu… engatinge ka naute hi alo nan maile” a rawn ti a, chutah zet chuan thinrimna, inthiamlohna leh thiamloh channa a bo vek a, chhungkua in an hlim ta.

9.       Chhungkaw puithiam:  Nu chu chhungkaw puithiam a ni a, A fa chu a pum chhunga a awm lai daih tawh atangin  Pathiana hnenah alo hlan tawh a, A lo  piangchhuaka, sakhhuana a zirtir thin. Fa in nu Bible chhiar laite, tawngtai laite a hmuh hian a nun ah a lo intuh ve nghal thuai thin ani. Nu chu chhungkaw member zingah Pathian hming lam  hmasabertu leh in nghat tu ber ani reng thin a, chu chuan apasal leh a fate ah nasa takin thu a sawi ani. Chhungkaw puithiam hna thawk nsa Nu chuan Fa pathian ngaihsak a nei nge nge thin a ni.

10.   Zah ila chawimawi ang u: I nu chu alo upa deuh tawh a “I thing, I mawl” te I ti ngai em? Tuna I dinhmun a din tirtu che kha I nu a ni a sin, a upat  poh leh duat la ngaihsak rawh. I kawr hlui ringawt hak tir lola, I pheikhawk hlui ringawt bun tir hek suh. A ei duh zawng siam sak  la, a hlimna tur ngaihtuah rawh. Vawiina Pangpar kan pek ringawt hi kan chawimawina tur ani lo. I nu chawimawi I duh  takzet chuan I nungchang  in chawimawi ang che. Kan tun dinhmun theuh min  thlentirtu hi midang ni lovin Nu te an ni.

Kei alawm Vannei

 A kum mai nilo, a Ni leh thla, a darkar famkim thlapa  piancham nei ve ta nafam chu, kum a thar hian ka lo upa ve ziah a, he upatna hi ka duh vang emaw, ka phu em vang pawh  a ni lo, ka sual chhuah pawh ni hek lovin ka chungah hun hian a rawn thlen tir ve mai thin a. Naupan lai ka nei ang bawkin tleirawllai ka nei a, chu mi hnu lawkah " Ahun ve tawh a lawm" an tih hun ka lo chuangkai ta reng a.

Chutia 'hun ve tawh'  era a ka din tak vang chu a ni ngei ang,  ka suangtuahna leh ka mumang pawha kala man ngailoh ram thar ah hlankai ka ni chawpchilh ve mai bawk a, tunah zet chuan ka hming bulah ka duh emaw duhlo emaw lam a sawi theih tawh loh va, Pu tih hi an dah ta ziah a, chu chu fa ka neih hma nupui ka neih tawh si pawha ka title thar a lo ni reng mai a.

Title thar ka neih tantirh lai leh ka neih hma deuh atang tawhin miten, "a ni hi a awm ang" an tih vang ni hmiang, eng pawl pawl ah emaw chanvo ka chang ta zeuh zeuh a, Kohhran lamah pawh Group tesep hruaitu ka ni thei ta riau bawk a, ka nihna Pu bakah chuan nihna dang neuh neuh ka nei ta reng mai a.

Tunah Pu min ti pawh nise zaha lak loh hun kalo thlen hnu pawh hian nihna dang chuan min la rawn sehmur tuau tuau fo thin a, Association hrang hrang leh YMA leh Kohhran mai bakah veng bil thil ah pawh ka awrh leh nuaih ta mai, Mi ngaihin mi fel nge ka nih a, mi awl/hman, mi ngaihah Hruaitu tlak ka ni nge tirh kah chi pawh ka in thliar thiam bik chiah lo na in, eng nihna emaw hi chua a kum tel in ka cahng ve ta reng mai, chanvo channa/ nihna hi kawngka luchunga tar tur nise ka kawngka  lu chungah chuan leng lovin kawngka biangah te hial ka tar a tul chang a awm ngei ang.

Til rehloh  nana na chu Lalpa laka kan rochan tih tur hi a chhang khat tawk hian an piang ve reng a, chhangchhe pa nihna chu ka title neih belh  a ni leh ta der a. He hun ah meuh pawh hian Pawl hrang hrang te chuan ka kiansan an remtih miau siloh vangin zakkep nei tunin Chhungkawpa ka ni ta reng anih hi.

Chawlhkar khata ni 7 awm hi ka thu chu nise ni sawm chuang lai ka dah tur hi a ni a, a chhan chu ina awmna hun nei lek lovin Inkhawm leh hnatlang, committee leh  Office dawr tih vel hian ni 7 chu a chhun a zan in a khat reng mai a, Minute Book ringawt pawh thuah tun tham han kawl meuh chuan Pa thluak hi a buai ve fo mai. Naupang ho a pawlsang ber pawh Class III chauh la ni mahse zirtur an  ngah tawh a, pencil nitin an tibo a, eraser thar an mamawh reng a, zan tin an form suk a lo tul a, a upa berin homework a tih zawh hma in a teber mutpui a ngai bawk si.

Chung hun  buaithlak leh indaihloh hun chhung zawng zawng ah chuan kei chuan Committe  emaw Kohhran hla zir turin emaw ka chhuah a ngai zantin tho a, hrereng mah ila ka kalsan tho angai, a chhan chu ka title neih te kha an ni a, ka ngaih pawimawh avanga puitlinga chhiar ka nih phah ve bawk si.

Mawng pawh hung hman lova nilenga an vir buai  hnu ah Paber Office ka bang thingpui min lo pe a, naupang lehkhazir leh eirawngbawl leh Insuk alo kawp vek a, zanin hi ka awl zan anih mial avangin amah chauh nilovin kei ngei pawn mak ka ti a, naupang an han mufel a, inchhung a han phiat fai a, Mizopa khumpui ngei ah kan han mu a, engge maw chen hnu ah ....."Kei alawm vannei le" min han chho tih hi chuan Nupui te that zia leh fel zia hi ka hrechhuak thin Zaitea'n (Zairemchhunga Royte) a ti.

Thalai nun

Fur tui a lo tla tan a, Indian Filmstar Kajol ten Padma Shri an dawn lai leh  Sri lanka leh India ten Cricket World Cup khel a Mumbai  khawpuia an au thler duai duia lai khan.... Lybia sorkar buaina avanga civil war thlenga mi tamtak ten nunna  an chanlai leh Kohhran Chanchinbu enkawltuten hmanhmawh taka Press lam an pan dawr dawr lai te, London khawpui meuh pawhin darkar khat laia an sana an herh hma laiin mi hrang sa hrang hma a zamlo tur kan thalaite chuan mamawh an neih hre uk si lovin mamawh em em siin kan Khawvel hi anlo hmang ve me a.

Hmundang leh khawdang sawi lovinmahni chenna mual te te ah  bul ihan tan teh ang, Hnam pum huap te Ram pumhuap ten thil pawimawh a awm a, rampum huapa hlim taka awm hun pawh alo thleng fo thin. Kan sih leh sa hian chutianga Thalai te han cho  riau hun chu anei bawk. Mahse Thalaite hi khawiah nge anhlim anga, khawiah nge chu hun thawl, zalen taka mahni eizawnna leh hnathawh kalsana hun an pekna hmun tur chu.

Thalai tana hl;imawm hi nu leh pa  leh NGO tan a hlimawm kher loh. Thalai tana nuam hi Kohhran tan a nuam veklo, Mahse Thalaite hlimna leh lawmna chu thik ni awm fahrana an hnawla, an do a, an hnial zel hi thil thaber em ni dawn?

Thalaite tan nuam leh hlimawm hi kan dodal zel anih chuan an tan kawngkhat kan hawng tihna  ani, chu chu  zalen an nih veleh Uchuak tak leh am taka an nun hman hi. Chu hun chu alo thlen chuan a thenin sawn an pawm a, athenin an thlak thung a, a then an OD a athen in an tih thar phah bawk. Mizinga polite taka mahni bialnu/bialpa te kawm an thiamloh phah a, In ngaihzawnna chu a ruk thei angbera tih ngai ah an ngaih phah.

Nu leh pate buma chhuah chu an tan thil tih tur awm chhun leh tih makmawh ah kan chan sak a, hun awl leh hun thawl, hun zalen tawite an neih chu a am thei angberin an chen ta mai a ni. Chu hun tawite chu an hmu theilo anih chuan an computer hma ah emaw an tv hma ah rei tak an thu a, an Mobile anhmet char char a, tlai takah an mu a, an tan thawh hma a theih loh tih hrereng chungin Thalai mut hun hrelo thawh hun hrelo tih tawngkam chu kan bel leh vek lawi si.

Mu tlem na nana chu chhungte rual lova  tukthuan eikham veleh a phur taka hnathawhkawr inbel chu thil harsa a ni tih hriatpui mang lova, kan thalaite hi an thatchhia tih lehngawt pawh hi a dik ber em ni?

Kan khawtlang hian Thalaite nungchang hi zir ila, thalaite mamawh te hi hre chhuak ila, an tan thianghlim taka lamna hmun te ennawm enna hmun te, an duhtak te nena lungchim taka inkuah hleuh hleuhna hmun tur hmun thawl leh  nuam nei bawk ila, a tawk chauha Thalai nun chen a tul zia te  zirtir ila chutih hunah chuan kan thalaite hian engvangin kan ram hi  sang takah min hruai loh lem ang le.
 http://northkolasib.org/

Min chibai

Nia, min chibai a, mahse ka lai miahlo,  "E...Ka lo chibai tawh ang che" a ti a, kan in chibai a, kan inchibai dan chu in chibai dan pangngai ang hi a ni a, kan in vuan reng lova, kan in thlah thuai heklo, smiling face nen kan in en a, a bul ah chuan naupang duhawm tak a awm a, kan vel ah chuan mi chi hrang hrang an awm nghe nghe. Titi phungleng leh hmalak tumdan tlem kan sawi thuak a, kan inthen chu a ni leh mai. Ngaihtuah zui pawh nei chuanglo in  kan hna lam ka ngaihven a, chu chu tukin dar 9:00AM vel kha a ni a, he site kan buatsaih hnu a lawmthu sawina atana min chibai hmasabertu Pastor Lalropuia nen a kan in chibai dan chu a ni.

A ni hi Hmarveng ah Pro Pastor niin hun engemaw chen a rawn awm a, tun ah phai lamah Pastor hna thawk in a awm a, an veng ah a pawm thlap a, a ni aia lo awm rei tawh pawhin pemthar/ mikhual an ti chuanglo a, an lo admit thlap kha ani. Tun ah a naute la awmin a home town ang maiin chawlh hmangin a lo haw chhuak zeuh zeuh thin a, chumai ni lovin  a nakruhbo a hmuhna khua  a ni a, kan tan a ni hi mikhual a ni thei ngai lovang.

Site kan hawn hnu lawk khan a in register a, regular visitor a ni nghal a, ka haw veleh Admin ka chibai ang a tih kha a rawn tipuitling ta a ni. Keimahni lam kan in thlir a kan site hi in chibaina tham khawp in a  felfailo va, a thuken lah a nep viau si hian ka hre thung.

Mizote hi hmasawnna kawng zawh awlsam tak kan ni a, thiamleh thiamlo pawn kan risk buaih a kan ti thei zel mai leh nghal a, chutiang chu ka nih ve tho avangin in sitna hi kei aiin a palian daih zawk fo thin a, chuti chunga "In ti tha e. A lawmawm tak tak a ni" tih paha in chibai kher hi chu a lawmawm dan a thuah hnih em a, han sawipunglo thei ka nilo.

Mite hmalakna leh mite thiltih sawisel mai te, mi te hlawhtlinna a lungawiloh maite hi kan hnam zia chikhat emaw tih mai tur ani a, thenawmte hausdakna ah kanlungawi lova, veng chhung ro relna ah kan lungawi lova, Malsawmna dawng chhah deuhte lakah kan vui bawk fo thin. Keimahni chan leh kan dawnlam reng reng ngaihtuah lovin mite chan kan thlir a, thiante kuta sahrang kan hmu liana, chu chuan lungawilohna leh phunchiarna ah min hnuk lut ta mai anih hi.

Mahse, Pu Lalropuia chuan kan hlawhtlinna(hlawhtlinna a ni em ka hre chiah lova) ah lawmthu sawiin min chibai a, a lawmawm in a entawn tlak hle mai, mi puitling nge nge chu tlukloh rim a lo nam nge nge e.

Babulon luikama Israel fate an tap lai mitthla ah hmu miahlo mah ila Tlawnglui kamah hian ngaihtuahna tamtak chu ka seng ve ta. He luipui Mizorama Lui seiber hi eng ang taka Zofate tana  tangkai nge anih ang le? A kam sir tuak chu Balu thami in a khat tlat a, a chungah chuan a taima faten nul an siam a, thlai chitin chitang an ti to del dul bawk a. Tui chimchin leh chin lovah chuan tiau lung tha chi hi a awm zui mai bawk nen, chutah mau sei tak taka  tawnkhawm hi a rawn len thla dul dul a, chungte chu Zoram mau Paper mills a an hralh tur mahader in a thiar vel hi an ni nghe nghe a.

Luipui chhung ah cuan nungcha tinregn an awm emaw tih turin an tleng dul dul a, a te leh lian  kawr nei leh neilo, ke neilo te, ke tamtak neite an cheng ho bawk . He luipui hian chawm leh hrai a ngah zia te ka ngaihtuah thin.

He luipui ah ngei maihian Mizoram atana a vawikhatna ni turin 1st Mizoram  Open rowing championship kan buatsaih a, A tuihleuh thiamlo ber tur hi Aquatics Association ah secretary ka nih ve vah  tak si ah chuan ka liam thla tlut tlut a, nuam ve viau mai. Aizawllam atangin hotu liante an lo chhuk bawka, kan district lam atanga hruaitute pawh kanthawkrip ve hle bawk. Intihsiakna beitu erawh chu Bairabi leh Hortoki an ni deuhber.

Ka sawi duh tak chu Khawvela thil reng reng te hi Pathianin duh taka a siamte vek an ni a, tangkaina hi an lo nei vek mai. Kei pawh, nang pawh  Pathianin  tangkaina nei tura a siam kanni. Chhungte tan te, thenawm khawveng tan te, ram tan, khawtlang leh Kohhran tantea tangkai tura siam kan ni. Engahmah tangkaina neilo a i awm a nih chuan pathian in a din chhan leh Khawvela i lo awm ve chhan i ti hlawhtlinglo tihna a ni a, chuvangin i insiamthat thuai a pawimawh tihna a ni ang. Mitin hian hlutna leh ropuina leh tangkaina kan nei vek si a. http://northkolasib.org/

Tuithak Neitu

Pawl thlang ho kan ngaihsan em em leh kan zah em em, an uniform te pawh mawi bik riaua kan hriatte ho kha, Kekawrbul pawl leh kawr var an ha a, keinin a pawl leh a hringduk kan ha a, kan han bei khak thei em em leh nghal a, kan in daidanna chu huan pal pakhat chauh kha a nia, chu pawh tha tak hungloh lehnghal.

School Inspector in min rawn tlawh dawn tum khan a sin, a fai thei angbera kal tur an ti a, pial tawkin sam kan khuih a, kan ngal ah tel kan chulh tle sar bawk a, Sapte lo kaltur chuan zawhna min zawh chuan pawl thlanga kal kan chak thu lo hrilh tur a ni nghe nghe. Inspector chu a lokal ta ngei a, engmah chu min zawt lem hlei lova. Keini pawh chuan pawlthlanga kal kan chak thu pawh kan sawi chuanglo.

Nitin deuh thaw khan chithak leh tuithak kan liak in kan in a ni mai a, keini a siam ve thiamlo chuan kan lehkhapuan kan pawt thla a kan thleng mai thin. Tuithak neitu han lal thin zia kha aw, a duhsak zawngte chu lehkhapuan a thleng pawh ngai lovin a in tir mai a, tuman kan sawisel ngamlo. Saidawium, um puitling khat in a rawn pai a, tengtere tlem a tel a, aieng, mosola, hmarcha, chi, khang zawng kha a bawlhlo a ni a. Mahse khatiang kha JB School a sumdawnna liantham ber chu a ni si. A in duh kan tam tum deuhte khan a chhin khat phek khata thleng a ngai a, hmanhmawh takin Tuithak neitupa chuan ahan thli a, a chang chuan a chhin chanve pawh kan in hmanloh chang a awm, hmui a thak sa hlur a, mahse kan lawm ve em em tho. Engatinge khang hunlai khan a bawlhlo engkim kha kan nei ve tho si a, kan lo siam ve mai loh le.

Chithak season alo thleng leh a, chi tamtawk, aieng, mosola, hmarcha chawhpawlh kha a ni leh mai a, mahse a chung ami ang bawk in, chithak neitu kha an lal leh em em a, thuneihna zawng zawng kha an pumbilh tawp mai a. Lehkhapuana thlengtu nih char char chuan kum khat chhung khan rin aiin kan lo pawtthla hnem hman daih.

Kum a lo vei zel a, kumthar alo nih meuh chuan Pawlthlang ahkan kal ta. Chu pawlthlang chu kan school JB LP School thlang chiah a awm anih vanga Pawlthlang ti mai kanni a, a hming chu ME School a ni. Tunah chuan Govt Middle School a lo ni ta. Kamis var leh kekawrbul pawl puanpheikhawk var nen kan ri ta ap mai, JB ah khan form pheikhawk kha kelawng a awm ani mai a, a in buaithlak hleih ta ngei mai.

Nau hruai an han phallo panga, Ipte chu ak reng lova desk a dah tur an ti bawk, kum tamtak ak reng tawh han dah chu koki a zak tlat. Zun In ah leh Ekin ah chauh inthiar tur an ti thul, thil inthlak nasa lutuk khan min tibuai rei ngawt mai. ME School ah meuh chuan Tuithak neitu leh chithak neitu pawh angkhat in kanleng ta dial dial erawh kha chu a nuam veng veng mai.

Ka Pa ziah. (In memory of my beloved father)

HMARVENG YMA VUL RENG RAWH SE.

Kum 1996 chapchar lai a ni a,Hmarveng YMA pawh kan inthlan that tha tho lai tak a ni nghe nghe a,Pu C.Lalzuithanga President a ni a, kei Vice President ka ni a, kan hote pawh an in pe zo em em in, aia upate thuawih kawngah pawh entawn tlak an ni a,Games lamah pawh chak ber kan nih lai a ni a,YMA lamah pawh tu Branch mah kan awt bik lo.Library tha tak kan nei a,kan hlimpui em em thin a, chutih lai chuan Hnam thlipui a lo tleh phut mai a, Kolasib Sawkar Office zawng zawng te chu Hnam Sipai (MNF) in a luah veka, keini engmah hre lo tan chuan thil mak leh kumkhaw sawi a tling hial a ni.
Hnam Sipaite chuan Kolasib a hnamdang sorkar hnathawkte OC, Pu, Chhetri a hovin an man khawm vek a, Town hall (tuna Taitesena Hall) ah hian an lo dah nghuk mai a, tuk khat chu, lalengthuam (L), Pu C.Zahlira tumpui ten en kan va thleng ve hlawl mai a, Pu lalzuia VCM kan hmu bawk a ani hnenah chuan en kan dil a min lom phalsak ve mai a, OC Chetri chuan, “ Ni hnih chhung engmah ei lovin min khung tawh a, heti anih chuan kan thi mai ang” tiin min lo hrilh a, daikal nan tui hmang chi anni si a, Tv, Biaksanga s/o Laltinchhingi venglai hian vzawi 3 lai tui paw halo chawi sak tawh nghe nghe a.
Keini ho chuan chaw pek kan chak em em a, tichuan,Capt.Aia a lo kal a, tuna P&E E.E.Office hi Consumers Store a ni a, hetah hian MNF in bungrua an man tam tak an dah a, chu chu Capt.Aia chu kan dil a, phalna lehkha min pe a, tichuan Hmarveng YMA chu Emergency Committee kan kova,chhun dar 12:00 ah chaw leh chawhmeh kan khawn khawm chu Town Hall a vai ho tang chu kan va pe a, an lawm em em mai a, O.C. Chhetri chuan a lehkhabu ah chaw petu te hming leh YMA Branch hming a ziak lut a, O.C. chuan,”Sipai(Army)an lo thleng tep tawh a, riltama thi tur chaw min pek avangin Sipaiho lo thlen hunah pawh theih ang angin ka hum ve ang che u,”tiin min hrilh a ni.
Tlai lama an ei tur YMA in kan buatsaih leh lai chuan Indian Army chu an lo hleng ta rup mai, ka thianpa Lalsangliana ho khan Sericulture Farm bulah kan lo Ambush a, Saidan Mini Sport Complex thleng hian an rawn um chho a, chutih lai chuan Hmarveng tuikhur atangte, Pu F.Aizika In mual atangte in mi tam tak in an in kap lai chu an lo thlir a, vanneih thlak takin khua a lo thleng lovin kawngpui lamah an kir leh ta a ni.
Pu Laibuanga In luahtu Dawia tlanchhia an kap hlum a, tichuan, Thana lam panin an lo phei zel a, Town Hall a tang an rawn chhuah a,kan phek buai ta a. Mi bungrua an suasam a, mi tam tak an man a, hmeichhe ho chungah lah zah an ngai hek lo.Veng dangte chuan an tuar nasa em em a, Hmarveng erawh chu O.C.Chhetri chuan min lo hum a, thlamuang takin kan awm ta reng a.
Tang tam tak chhuk leh chho an rawn hruai a, Kolaasib Thana an rawn pan pui zel a,O.C. Chhetri te YMA in chaw kan lo pek avang khan O.C chuan ‘Hmarveng YMA in chaw an pe thei ang’ a lo ti zel a,min rawn kova,”Curfew pass min pek chuan, chaw chu kan pe thei ang” ka ti a, tichuan tang awm apiang YMA chuan chaw kan pe ta ziah a , pawisa pawh tlem a zawng kan hlawh ve ziah thin a, chung kan pawisa hlawh chuan buhfai kan lei a, Maj.Thansanga kan kawl tir a, chung kan hman bang chuan Kolasib a harsa zual te YMA chuan kan tanpui zelthin a ni.
Indian Army an lo thlen tuk chuan, Pastor Thanfianga’n, PU C.Lalzuithanga President chu Kolasib Thana a tangte tanpui turin a rawn sawm a, an kal dun ta a. Sipai ho thin rim chuan an pahnih chuan an lo beng ta vak mai a, Pu C.Lalzuithanga hi BDO Kolasib a Casheir thawk lai a ni a, YMA Prersident nihna hi lo keng kawh zel mai rawh min ti a, an tangkhan hun lai khan, rem lohna tam tak a awm reng a ni. YMA Day kan thleng a, Pu Thlahzova kan insiam danglam tir a, YMA sumtuak nan kan ti a, a hmuhnawm ngang ani ang, a en apiang an nui let tawp tawp hlawm mai a,entu an tam lutuk a, a awmna In a tlu a, pawisa kan hlawk tur ang pawhin kan hlawk hman ta lo a ni.
Pu Thlahzova chu Rengtekawn a a bal cho tur Sipaiin an man a,Bihar Central Jail ah a tang a, Hmarveng YMA chuan Sorkar ah,”Pu Thlahzova Kolasib hi MNF a ni lo va, YMA Joker a ni a, a rang thei ang berin rawn chhuah rawh u,: tiin kan zuk ziak a, Pu H.Thanseia Headmaster chu English in kan leh tir a, ani chuan,”I tan a pawi mai thei asin,” min ti a, chu lehkha kan thawn atanga thlakhat ah Pu Thlahzova chu an rawn chhuah ve ta mai a ni.
Khang hun lai YMA hruaitu fel tak tak ten mual min liam san a, kei pawh Golden Jubilee hi thleng ve phak pawhin ka inring lo va, mahse, he Article te ziak thei a Lalpan min hruaina leh kan YMA hotu fel tak tak ten duhsakna sang tak min hlan hi ropui ka ti a, Golden Jubilee Lungmawi tak mai Kolasib Field sir a ding luah mai te hi ropui ka tiin, tuna YMA hruaitute fel zia leh remruatna tha an nei hi chawimawi tlak an ni e, an chungah leh Pathian chuangah lawmthu ka sawi e.
Hmarveng YMA vul reng rawh se
C.Rokhuma,Kolasib-I
(He Article hi Pu, C,Rokhuma’n N.Kolasib YMA Golden jubilee souvenir a a ziah lakchhuah a ni. C. Rokhuma hi SA ah Envoy niin Burma ram thlenga rawngbawlin akal a, Mizorama VC Secretary thaber lawmman Aizawl Bawrhsap hnen atanga kum 10 chhung a zawna dawngtu ani.)

Puja Bati leh JB school

Step ah chuan Gate mawi tak an tar aa, a bul ah chuan Changel kung hi a hnah nen an phun chho luk mai a, a chheh vel ah chuan mau phel hi an dawn kual pup bawk. Gate chungah chuan thil inziak a awm a, mahse ka chhiar thiamlo, a chhung ah chuan mawi taka chei milem lainpui sakei chunga chuang, lei sen tha tka chhuah a ban tamdeuh nei hi a awm a, a kut lehlamin chem a hum tut a, midum pakhat fei a chhun hlum hnu hi a rapbet bawk. Sam sei deuh anei a, lal lukhum ni awmtak a khum bawk a, chu chu chibai an buk thin a, Vai Pathian kan ti kher kher thin.

Chu Shiv Mandir thlang chiah chu JB School chu ani a, kekawrbul pawl leh kawr hringduk kha kan form a nia, kawmchhak lawkah Puja a awm avangin hal rimtui rim class room atang chuan kan hre phak a, zan ni tawh se kan ti thei hle.

Zan chu a lo ni ta ngei a, thimhlim atangin Vaiho chuan an kawtah Mombati te takte an chhi tlar tiar a, an Mandir (Vai pathian Biak In) kawtah chuan an chhi uar zual a, a eng tuarh mai thin. Chung Bati tereuh te te chu keini ho chuankan han hui phei pawp a, kan kawr ipte ah kan hnawh hmiah mai thin a, Vai KTP ni ve ngei turte khan min umzui a, mahse kan school JB ah chuan kan tlana kan him thin.

A tuk ah Puja Bati engzat nge kan hui theih tihkan han sawi ho a, kan zinga a huai deuhte chuan 50 lai te an lo ak haw hman thin a, kei ve chu ka dawi vang ni miahlo in 12 bak ka ak haw hmanlo. Chung Puja bati te chu eng atan mah kan hmang leh chuang lova, engtin nge kan tih zui tak pawh ka hre chuanglo.

Kolasib a School hmasaber JB School kha alo va nuam em! kan chhuahsan dawn lamah khan Primary School N0-1 an ti ta mai pawh a. Sports neih te khankan champ reng mai a, Cotton puan a jersey thui chawp a pawl leh a eng kan ha vet vet mai mawle.
Kan Headmasater in kal tlai ahrem dan erawh kha chu ana duh, chalk a tung zawngin dawhkanah a dah a tauh keh dip darh angai a, a dip zolo anih chuan tukhum ah min lo nempui a, a tuk ah chuan chal a belkang ngei ngei thin.
Buaithlak deuh erawh chu nau hruai an phal kha a ni, thianten nau 3 te an rawn hruai a thutna a tawt duh khawp mai.

Katta Khoi Khoi

Room No.101
KHATTA KHOI KHOI


A letling zawnga chhiar pawha a hlutna tlahniam hauhlo Pindan No.101’ dar eng chia siam chu kawngka ah an tar a, a chhung ah chuan Khum lian tawktak, TV, Sofa leh dawhkan te a awma, a kilah chuan Steel Almirah a awm bawka, Inbualna pindan, a tawkchauh a zau ah chuan Tui lum leh vawt herh chhuah tur a awm bawk. Chu pindan atanga hmar lam pen 100 vel awrh ah chuan mipui an pungkhawm luih luih a, pindan kawt chiahah chuan Football Stadium a awm bawk.

Horticulture Director Zahawm takin Koalsib District Anthurium Grower Society te min ngenna angin, Dt. 22-24 Jan 2011 chhung khan, ‘The Greens’ buatsaih Phul Mela (Flowers Fstival) ah kan tel ve a. Tuntum hi KODAGS ten Department te duhsakna leh an ai awha fehchhuahna kan neih tum 3 na a ni. Senso tul zawng zawngte Department in an ngaihtuah veka, Growers ten engmah ngaihtuah a ngai velo, chu mai ni lovin, min kaihruai turin Pu, Henry L Varte AHEO, tlangval fel tak min pe bawk a, a kaihhruaina hnuia awm a hahdam in, engkim a ni hian a ngaihtuah fel thlapa a chungah kan lawm em em bawk ani.

He Festival neih lai hian, Silchar khawpui ah International Trade Fair, NE Football Tournament, Indian Classical/Traditional Music Fest leh Subash Chandrabose puala programme buatsaih liantham takte a awm ve bawk a, chuvang chuan kumdang aiin mihring an tlem deuh niin an sawi. Silchar leh a vela Pangpar, Thlai, Bonsai etc te chu mipui en theih tura pholan an ni a, mit la tak tak hmuh tur a tam hle mai. Hei mai bakah hian, Indian Institute of Fine Arts ten an thiam thil an entir a. School thlanbik te tan Science Exhibition neih a ni bawk. School naupangte tan “Sit and Draw” lemziak in tihsiakna buatsaih a ni a, Photographer te tan pawh competition buatsaih a ni bawk.

Kolasib Anthurium Grower Society te pawhin Flower arrangement te, Bounquet te kan entir ve a, Intihsiakna ah Item 20 chuang kan pholang bawk. Ni 3 chhung nitin stall kan nghak a, mi chi hrang hrangte an lokal a, kan Anthurium chuan ngaihven a hlawh hle. Zing dar 10:00Am atangin zan dar9:00PM vel thleng stall a kan thut chhung hian Bengali hla kan ngaithla thin a, chuta kan rilru luahtu ber chu a awmzia hrerlo mah ila, “Khatta Khoi khoi” tih kha a ni. He hla an saktir hi chuan hah deuh hlek tawh mah ila, min ti p hur leh fo thin.

Dt.24.1.2011 8:00PM ah closing function and Prize Distribution neih a ni a, hetah hian mi pawimawh tak tak an lokal a, Silchar DC chu khuallian ani. Kan Guide Henry L Varte pawh thusawina hun an pe a, thusawi a tha a, mipuite pawhin ka ho in an ngaithla a ni. Lawmman chi hrang hrang tamtak sem a ni a, keini pawhin, Flower Arrangement ah lawmman 1-3 kan la vek a, Queen of The Show special lawmman kan dawng bawk a, Citation 3, Certificate 4, leh Trophy mawi tak 2 kan dawng a ni.

He huna kan telve theihna atan a remrtuatna min siamsak tu kan DHO Pi, Zosiamliani chungah lawmthu kan sawi a, theihtawp chhuaha Department leh Grower te tana in pe a, mahni inlum chhuahsan tu mi 6 te chungah lawmthu kan sawi bawk a ni. Kan Guide Henry L Varte chungah lawmthu kan sawi a, tin, Driver Sena chungah lawmthu kan sawi bawk.

Hun leh ni a liam zel anga 2012 January thla alo nih leh chuan Khatta khoi khoi tih alo hun leh tawh ang a, chu hunah chuan Dar eng chi a siam Roomn No 101 ah khan riak leh tak ang i maw..

Hmanlai

                                              HMANLAI

                                                                                 Amama

  Rizaikawr aia chhah deuh hlek chauh, tial mawi ve tak kha, a suit in Kungfu zirna a an hak thin ang hian kan han thui tir ve ngei a, Kungfu shoe kan han bun bawk a, ni thlar zawnga englo thla lang duai duai tur lam ngaihtuah hauh lovin kan han che kual vel a, kan zingah in ti thiambik pakhat a awm tih mai loh chu kan lungrual em em a, thiam ve tak tak ang maiin Kungfu posi la in kan nileng fo thin.

        Khang hun lai, kan tleirawl lai kha a lo nuamber em ni chu aw ka ti thin. Kan School ah khan Saptawng(English) lam nalh deuhber ka ni tehreng a ni ang chu, kan Headmaster khan thil tih pui deuh ni hi chuan engemaw sawi tur hian min ruat ve ziah thin a, a ziah sa ka by-heart mai a, thusawi kha chu a nuam duh hle, mahse, kan thianho bawk  hi zai turin min ruat a, hla kan lo hrelo hle tehreng a ni ang chu, Ribbons of Blue kan thiam chin chiah kan sa a, kan miss a nui nasa teh mai a nia aw.

        School ah vek hian Sangha vuak hla kha Mizo Subject ah kan zir a, kan Headmaster chuan a sak min zirtir nghal a, “Lengi lunglawm nan kal che maw Valnema.... leh aha ha ha,” han tih vel laite hi kan sa uar em em mai thin a. Ruah a sur duh si lova, kan Head-a chuan sangha vuak a rawt ta mai a, Ru tel khat theuh neih tur ati a, Ru lai turin kan chhuak sup sup a, keini thianho khan Ru emaw kan ti a, thing pakhat zung hi kan lai chhuak teuh a, paho feh hawngin Ru a nilo tih min hrilh hnu ah thim dawn ruai ah a dang kan zawng leh a tel khat chu kan ngah ve hram a. A tuk ah Sangha tlang vuak nei tur chuan kan thawk chhuak ta a, kan hla thiam sa ngat kha kawngtluanin kan sa thla a, kan tih thin dan g ngeiin zui bik kan nei leh a, a ni hi kan school ah chuan a hmel a tha ber a, nitin, a school kal lam leh haw lam kan zui ziah a, mahse tuman kan  be  ngamlo, hemi ni pawh hian kan zui/chhawm leh a, kan venghim ngawt mai.

        Vawikhat chu Zonal Sports ah kan school kan chhuah ve dawn avangin sports kan zir a, Item hrang hranga tel tur an thlang chhuak a, keini thianho pawh in kan han bei ngial a, kan zinga Kungfu in ti thiamber chu a tling ve mial a, mahse hmeichhe shot put zirna lama kan va phei chule, kan thianpa khan shotput chu a lo pet niin, a kephah chung chu shotput tiat awl in a pawnga, a kal thei ve talo nghe nghe.

        Kan In opposite chiah ah chuan naupang Guiter perh thiam tak leh zaithiam tak hi a awm a, School ban lai hian alo zai ziah thin a, kawngpui bula awm kan nih avangin keipawhin kawngpui lam hawi ngatin Ulawng Solfa (Staff Notation) hi ka lo chhiar thin a, min rawn zawt thut se chuan ‘C’ key chiah ka thiam si a, mahse tuman min zawt ngailo, kan kawt naupang pawh kawngkalte chuan zaithiam an ti ziah a, kei pawh chu solfa thiam tak ka ni reng thin a, a nawm dan kha a danglam ve thin ngawt mai.

        Sava kan veh tum mawlh khan asin,  thlanmual bula Fartuah par kan chang a, sava a vang hle mai, a chhak lawka mi huanah chuan Theichhungsen a hmin tuar a, kan han ru ta nge nge a, a kunga kan awm laiin a neitupa chu chem hriam tawk nen a lokal a, min man kan hlau si a, ei tlem kan hlau bawk si a, a mu nen kan han dawlh tak tak mai chu..Daikal In ah kan tang fan fan mai.

        Tunah chuan khangte kha hmanlai an ni vek tawh, kan Kungfu thiam Liansanga(LSA)J.E.PHE Diakkawn ami te, kan saphla thiam neih Ronghinglova Aizawl te, kan master Ramrova(L) Vengthar te, naupang zaithiam Hmangaihzuala te pawh tu khaw kha hriat lohvin an lo upa ve ta der mai
HMANLAI A NI TA

Mizo Tlangval

Mizo Tlangval

by Isaac Lalthanmama on Saturday, January 8, 2011 at 5:46pm

"Keizawng ka thlang Mizo val ngei" tih chu a hla duhber a ni thin a, akel rawl a kel rawlin a sa ve rawng rawng thin, mizo nih hi nuam a ti a, a zahpui ngai heklo, hnam lam hrang hrang a thiama, Cultural club ahte pawh  a tui thin hle, chung zawng zawngte chu Thiamna sang zawk zira Hostel a awm hmaa thil thleng a ni.

Mawii chuan an duhber Doctor zir turin phai lam a pan a, Hostel ah Mizo tlemte chauh awmna ah chuan lungleng em em in a hun ahmang a, a lo awmsa senior hoten Mizo zia an paih ta mai leh an duh duha an che thinte chu a tirah chuan a hrethiamlo hle thin.

A senior tlangval, zai lam tui tak nen chuan Evangelical Fellowship ah hun an hmang dun thin a, zai pawh an thiam hle mai, chu tlangval chhelo tak chu mi tha tak niin a hre nghe nghe thin.

Tumkhat chu Hostel danga Mizo awmte nen fellowship neiin hun an hmanga, an Hostela hruaitu leh a zai pui ngei te chuan zu an rui ta tlat mai! Hnamdang  tamtak hma ah chuan  Mawii chu tih mualpho a ni ta! A chhuan em em, a ngaihsan em em, a lawmna leh Khawvela a chapo vena, mite pawh awt hauh lova a khawvel a nun  hman tirtu, Mizo hnam ngei mai chuan hnamdang mithmuh ah mualpho takin a siam ta a.

Welare committee te ngaihtuah ngai hialin a lo awm ta, Doctor a nih hun turte, mi dangte tana a thawh hun turte leh a lo suangtuah thin zawng zawng chu vawi leh khatah a tawp ta thut mai a, chu chu MIZO vang a ni. Engati nge a hnam pui ngeiin a tih mualpho tak mai le? Mizo nih chu a tan enge hlawkna awm tawh chuang le? Ka ram atih thin Mizoram chu a hmelma awmna ram  maw lo ni le? Amah leh amah chu a hmelma alo ni zo ta.

Hostel a chhuahsan ni chuan pan lam tur a van em em a, mahse, ahmaa entrance a lo paltlang tawhna Engineering College pakhat ah chuan a insawn ta nge nge a. Rilru na leh khaw har ngawih ngawihin a awm, a chan a chau takzetin a hria, khawvela a hmangaihber chu khawiah nge a awm hre silo, a hmangaihber nen hian rokhawlhna liantak avangin chanchin engmah inhrilh hman lovin an in kalsan ve ve a, tunahte hian akianga awma hnemtu atan a duh em em a, mahse a awmna pawh a hre silo.

Hun akal zela, Kum ruk lai phai ah a awm ta, a tan haw chakna pakhatmah a awm lo. Mizo Mipa chu a tan HMELMA, mizo tlangval chu atan ti MUALPHOTU an ni tawh tlat, chu chu a thu rolum a ni. Hnathawhna a zawnga a thawk nghal zela, a insawn zel a, a tawp ah chuan Central India ah lungngaia leh rilru na taka a awm laiin a dinhmun hrethiam a, zahder em em tu hnamdang Kristian tlangval fel em em mai nen an in chhar ta a. Kawng engkimah chu tlangval chu akut leh ke a ni a, amah chu Kristian tha em em niin chanchintha puan darhna lama mi thahnem ngai tak ani a, chu nen chuan rawngbawlna an kalpui ta a ni.

Nakinah chuan a Mizo pui amah timualphotu, a mizo pui amah nuihzat tu, a mizopui amah deusawhtu te ai chuan a Kristian pui amah hmangaiha zah em em tu leh duat em em tu chu kumtluang atan a lo tiam ta! (A duh apiang chhunzawm atan....)

I OVER TAWH

I OVER TAWH

by Isaac Lalthanmama on Wednesday, January 5, 2011 at 8:41pm

Ram leh hnam, khuarel leh mihring nunphung ah hian hun hian awmzia a va nei thui em! Bible Thianghlim ah pawh engkim hian hun an neih thu a  ziak a, phun hun te phawi hun te, tah hun leh nuih hun te a awm vek mai, a hun chhung chu a rei a ni emaw a reilo a ni emaw, chintawk nei vek kan lo ni.

Nausen nih hun a awm a, naupang nih hun nen, tleirawl/rawlthar hun a awm a, nula/tlangval(Thalai ) nih hun a awm bawk, nu leh pa nih hun a awm a,  pitar putar nih hun a awm. Hringfate hi eng hun berah emaw kan awm vek a, chu kan hun mil zel chuan kan nun dan pawh a danglam a, kan duh zawng leh kan tih thin pawh a danglam a ni.

"Abiangte hi ava no em! A chum tha a nia" tia min fak hun lai chuan engmah hrelovin kan lo nui duai duai a ni thei, mahse thiantha berten,"saw nu sawn a melhno che a nia, min rawn biak rawh a ti" an han tih hun kha chuan nuih dan a dang a, rilru a lawm viau si tilang ngam si lovin kan han nui lai hui hui a, khang hun lai kha tleirawl lai kha alo ni reng a. "Ahun leh Ni tur te rawn sawifel nghal vek ang che u" ti a Paber in makpa ho a han tirh zan meuh erawh chuan thinlung hi a su deuh dup a, ngaihtuah a tam duh tan khawp mai, pa nih hun tur te, fa neih hun turte tar hun turte zankhat thil thu ah kan ngaihtuah chhuak nghal vek mai thin zu nia.

Vanglai tak Nupui/pasal han neih mai hi a fin thlak ve reng reng a,  khawtlang ti hah lutuk lovin mahni in kan la hmu thei tih a chianga, a ropui dangdai ve reng reng a sin. Chuan, kan thatlai hun te  Lalpa tan tiin, theihtawp in tan kan han la a, a kul a tai mai ni lovin, kul tur chuang pawh awm tawhlo khawpa nasa in tan kan la a, Kohhran pumpui hmel ti mawi khawp a kan chet hnu in, kan hun erawh chuan thui tak min lokalpui tawh chu niin. Thalai committee ah te thu har deuh ngaihtuah a ngaih changte, tin, kalkhawm leh zinchhuah dawn ten ding tura beisei kan ni tafo mai a, ngaihdan fing leh tha neiber angin, naupang zawkte rilru buai hnu ah ding tura phut kan ni ta fo bawk a, dik tak chuan, kan hruaitute kha Sunde Sikula kan enkawl hnu te, an pate lah kan thiante an lo ni nawk tawh a, thenkhat nute phei chu zaipawla kan zaipui thinte an lo ni tawh a, nuih a rual tawh lova, ngaih pawimawh a in ang tawhlo.

An sawi duhzawng chu kan tan a ho lutuk a, kan sawiduh zawng lah an tan engmahlo mai a ni thung, titi ho theilo ta na na na chu thu ho reng chung si hian kan inhlat ta du a, Ngahlrual zinga a pikhawi awm ve thin ang hian ngho chhuak vurin tleirawl zingah kan lo tei kual ve mai mai a lo ni.

Hmana kan tih thin dan kan sawi kan sawi a, tunlai ani tawh tih kan hre lem lova, kan ngaihdan lah chuan thangthar zawkte beng a verh chai silo. An tan chuan hunserh hmangtu, chhuahkhawm huna engemaw sawitu, zin chhuah ho dawna Bus chhunga tawngtai tu, a khat tawka thingpui leh senso dang tum leh tawk tu kan ni ta ber mai.

Heng zawng zawng hi ka thiamloh pawh a ni lova, naupang zawkte thiamloh pawh ani chuanglo, hun in min herpui dan ani a, kan thlen chin atanga hma sawn zel kan nih avangin Thalai zingah chuan Tar  chan kan lo chan dawn tak avangin " I OVER TAWH" min lo tih rilrukna a lo rei viau tawh a lo ni reng thin.

Thih thlengin aw...

“THIH THLENGIN AW..”

         “Kei chu ka inpeih ta! Aw.... Thihna, i lam ka lo hawi e, ka In ta, ka taksa leh ka nunna chu ka hmangaihber tan ka hlan e, I nu hnenah mawlh khan ngaihdam min lo dilsak ang che, ka tlin rei dawn talo, min hmuh hun chuan muhil mai mai emaw min ti anga, mahse ava barakhaih nasa dawn em!...”  a message chhut sa chu ahan thawn chhuak dawn a, mahse chakna a nei tlem lutuk tawh, nula pangngai ni thin khan messege thawn tur pawhin theihtawp chhuah a ngai ta. Thei leh theilovin number a han chhu a, mahse eng number nge a chhut a hre tawhlo, digit engzat nge a chhut a, tu number nge a chhut lah a hre tawh heklo.
  
        Tluangtea nen hian kum 6 pumhlum thak chu an lo im kawp ve tawh a, an inkar ah hian engmah thu zep pawh a awm tawh lova, kohhran mai ni lovin vantlang pawhin an inkawp zia hi chua an hre chiang em em tawh a, mahse miten mawilo an tih tur leh vantlang mit khama an awm miahloh avang erawh chuan mite fak an hlawh letling hial zawk a ni.

        Naupang a nih lai atangin Siami chu mite lawm hlawh tak a ni a, a lo nulat hnu hian an veng chhunga tanpui ngaite hi hmaih lovin a tanpui thin, tar leh upa te tan a in pe nasa hle a, thenawm khawvengte pawh in an fanu ang hialin an duat in an duhsak vek a ni. Office dawr turte, Upa ho pension buaipui ngai zawng zawngte pawh a kutah hian an dah vek a, chu mai bakah chuan Kohhran lamah Thalai OB te ni thinin zaipawl member hlun a ni a, YMA section hruaitute zingah kum tamtak a lo tel ve tawh bawk a, chuvangin vantlang pawhin an hrebel hle. Nulat tlangvalna lamah vawikhatmah la che mawilo ngailo, mai ni lovin tlang sawi kaiin a awm ngai lova chu chuan mite fak a hlawh phah lehzual bawk.

        Tluangtea nen an intawn hnu hian vawmbei ang maiin a rilru leh hmangaihna zawng zawng chu  Tluangtea hnenah hian a hlan vek a, a ni Tlaungtea lah Kohhran Thalai Hruaitu kumhlun, lehkhathiam leh tlangval ti zawk zawklo a lo ni bawk si, an inkawp chu mite pawhin inhmeh an ti a, mawi taka Kristian nula tlangval in kawp dan tur ang chiaha an han inkawp chu Thalai dangte pawhin thik a hnekin an lawmpui em em zawk thin a ni.

        Kohhran thiltih engkim maiah hian an inkawp zela, khawtlang huap thil tih ah pawh an inkawp chawt thin, chutianga an awmna chu kum 6 lai a lo ni ta! Innei tawh mai tura vantlangin an rin lai pawhin a chhan hriat siloh hian an la in nei chuang lova, thianghlim takin an la in kawp ve char char reng a ni.

  
        Tluangtea chu a hnaah a tul thin hle mai a, nitin mai hian hmanhmawh reng rengin a hun a hmang a,  inlam ah pa ber chan chang a ni bawk a, nilenga a hnathawhnaa a awm hnu hian in lamah    tul takin ni hi a hmangliam thina, tun hmaa an retheihna zawng zawngte pawh mangchhia ang maiin a bo tan ve zela, an chhungkua pawh chuan mi kam thuah  rualin kam an thuah thei ta a, nakin lawkah chuan hna tha zawkte ala hmu anga, tun ai hian an la changkang ngeiin an beisei ve a. Theihtawpin Kohhran lamah chuan ala inhmang ve renga,  rawngbawlna chu an dah pawimawh em avangin an in chhung khawsakna phu lovin an tei hawi tam phah hial reng a ni.
  
        Mahse, tlangval  hmeltha leh zei, nungchang tha leh ruih theih thil engmah ti ngailo chu nula lam chuan an lo hmelhriat hle mai hi a lo ni a, nakin  lawkah chuan duh em em tu Mary a tawng ta tlat mai, a tir lam chuan mite biak chhiat a duhloh avangin tha tak takin a bia a, an lo in kawm tlangnel zela, a hmeichhe lam in chhuah tum heklo le, Siami nen an inkawp dan zawng zawngte chu hre vek mahse, a haider tlata, hun remchang a siam ta fo mai a, dip tu awm hauh lova an in kawm chang a lo tam ta tial tial a, a tawpah chuan Mary chu a lo ruaklo ta der mai!

        Tluangte chuan ngun taka a han ngiahtuah pawhin a duh thusamin a awm lo tih a in hre chiang em em a, kum 6 lai rinawm taka a lo kawp tawh Siami chu thlauhthlak a phal thei ngang silo, lo kalsanin lo thlauhthla ta se Siami chuan a tuar na dawn lutuka, chu chu a ngaihtuah ringawt zawng pawhin a phal thei thlawt silo, chutih laiin Mary lah chuan a ruakloh thu a lo hrilh sek a, in hruai mai a lo rawt ve reng bawk si, khawvel hi a tan chuan a buai zo ta vek mai a, mahni chauhva awm pawhin a buai a, midangte nen an awm lai pawhin a buai tho si.

        Kohhran lamah lah chuan mawhphurhna sang zawk an bel kur nguaia, miten mi fel leh tha ah an ngai vek si, chutih laiin anih lah chuan Midang lakah lo in thlahdulin fa hial an lo pai ta si. Ngun taka a han ngaihtuah hnu in naute chu tihthlakmai an rel thlu ta a.

        Thiam tak leh zaidawh taka reife a thlem hnu chuan Mary pawh chuan a lo remti thei ta a, Damdawiin lamah kal turin an in chhawm chhuak ta, tum thum teh meuh Doctor an rawn hnu pawh chuan an beisei ang chu am hlawhtling thei ta tlatlo mai, naute chu a pian ngei a ngai ta si, Tluangtea rilru chu a hah em em thin a, a rukin a tuar tlawk tlawk thin.

        Mary’n naute a tih thlak theih chuan ngawi rengin a enkawlna senso zawng zawng a tumsak anga, tichuan Siami nen kumtluangin an inkawp thei tawh dawn emaw a tih laiin a beisei angloh tak thil a chunga a lo thlen tak avangin Tluangtea chuan tum dan leh kaldan tur pawh a hrethiam tawhlo. Siami han hruai ngawt dawn se, Anu in a duhlo em em si, chumai bakah chuan Kohhran Hruaitute zinga tel meuhin nupui han ruk chu miten engtin nge an ngaih dawn tih a hre thiam vek si a, Mary han hruai dawn se a duhloh zawk amahin a zar buai ngun em avang leh fianrial hun a pek hnem em avanga rai chauh a nisi. Kum 6 chhung rinawm taka a tan chauha lo inserh thianghlim Siami chu a zah em em a, a ngaisang bawk, a bum a ni tih leh midang lakah a phatsan a ni tih a hriat chhuah huna a tawrh nasat dan turte chu a rilru mitthla ah chuan a lang chuai chuai a, mahse hmalakna engmah a nei silo.

        Vawikhat chu Siamiten a nau Pass lawm turin an rawn sawm a, tlaiah chuan hlim takin zanriah an kil hova, Siami nen pawh chuan inpawh leh in ngai takin in thlahlel takin an inkawm a, midang an awm ve reng avangin engmah sawi hleih theih anih loh avangin in lamah pawh haw tawh chuang lovin Tluangtea chu a leng nghal a, zan dar 11:00 thleng rawk lengin Siami nen chuan an inkawm a, hlim tak leh  a tuk zana in hmu leh mai turin an in mangtha ta a ni.

        “Siami, Tluangtea khan nupui a ru an ti” tiin a thiannu  chuan zingkarah a rawn hrilh a, Siami chuan chhan ngaihna a hriatloh em avangin a nui mai a, mahse a rilru chuan thil tamtak a ngaihtuah a, nizan ah ka bul ah zanlai thleng dawnin a awm a, hlim takin kan in kawm a, in hmu leh mai turin kan in mangtha a, a theihloh reng reng min tih der a ni ang, ti tein a ngaihtuah a, tukthuan erawh chu a ei chak ta tlatlova, ei lovin a mu tamai mai a.

        Fehrehsan hun lai tak in, a ngaihtuahna ah chuan Tluangtea’n nupui a ru an tih kha a lo ri chhuak leh zawka, khawnge keimahngeiin ka han fiah teh ang, kum kha leh chen kha kan lo in zui tawh a,  A tan ka rinawm a, ka tanpawh rinawm em em in a in sawi a, thudik a nih ka ring chuanglo naa, amah tlawh pah ani bawk anga, ka han leng teh ang tiin a chhuak ta a. A kal pah chuan an sulhnu zawng zawng te a dawn kir a, an in tawn tantirh lai te, an in kawm fal hmasak bera “THIH THLENGIN AW..” ti a an i tiam dun laite kha a rilru ah a lo thar chuai chuai a, a thiannu in “Khawnge i kal dawn” ti a a lo zawh pawh chu a chhanglo tep a, “Khi tah” tih chauhin a chhang ta nghe nghe a ni.

        Awihlo tak chung si leh, a lo ni tak tak mai ang tih hlauthawng tak chung siin, Tluangtea te kawngkhar chu zawi te in a han kik karh karh a, a lut ta a, a han hawikual a, Tluangte Nu leh naupang tlem a hmu a, a han hawizau deuh a, Tluangtea chu pawr chap hian a lo thu a, a bulah chuan midang an lo thu ta tlat mai le.

        “A ni thei lo, ka awihlo, ka ringlo” tiin a rilru chuan a mit ngei pawh chu a ringhlel a, a hmangaih em em, Thihthleng pawha inhmangaih tur thu a lo tiam pui ngei mai chuan Mary chu a lo thutpui a, a mit a vai emaw tiin a han nuai thin a, mahse a tak tak a nisi. A ka chuan sawi tur a hre reng reng lova, a rilru erawh chuan kil tin angaihtuah chhuak vek a, A hmangaih Tluangtea chuan alo phatsan ta tih chu a thinlungah chuan hawrawp lian tawk tak hian a in ziak chiang kulh mai si. Khawvel hi tawp thut ang maiin a hria a, a bing chuk chuk a, engtin chiah nge a awm pawh a hre reng reng lo. Tluangte  Nu chuan a lo bia a, engtin nge a chhan pawh a hre tawhlo, mahse amah hmusit hmel taka melh kar chunga a duh zawng mi Tluangtea chuan a rawn hruai haw a ni tihte a ni chu lung ngailova a phu tawk leh a lawina tur awm tawk zawng tura a lo hrilh te chu a hre rei ruai chauh a ni.

        Rilru tawt em em in, an in lamah a haw thuai thuai a, khum ah a bawk thlawp a, a tap char char a, a hmangaihin a kalsan ta chu na a ti em em a, atan chuan Vanpui a lo chim ta. Dam chhan a nei talo. Tu tan nge a a nun tawh ang le? Nimin tlaiah pawh kan in ah chaw a ei a, nizan ah pawh hlim takin ka kiangah a awm a, ka tana a rinawm zia te min hrilh mawlh mawlh a ni lovem ni? Tunah midang ta ni turin mi phatsan ta mai a maw? Hrehawmna eng pawh lo thleng se, dodalna leh harsatna engpawh lothleng se Thih thlengin in hmangaih tlat ang aw tia kan tiam kha a der mai maw i lo chantir tak le? Aw ka va vanduai bik tak em! tiin Siami chu in ngaihtuah a, a in sut hlawphlawp renga, a chhungte chu tumah an awm lova, amah chauhva ina a awm lai a ni a, tanpui tu a beisei lova, hnemtu a ngai heklo, chhantu a mamawh lova, puitu a ko heklo, a engkima engkim a hmangaih Tluangtea chuan a kalsan tawh a, Khawvel hi a tan awm zia a nei tawh lo.
  
        Pangpar pawh in a lakah chuan a mawina a thup a, Khawvel pawh hi a zim lutuk ta, a nu leh pa leh a chhungte pawhin a lakah awmzia engmah an nei lova, a tana pawimawh ber, a dam chhan Tluangtea chuan a kalsan ta si.

        Hmangaihna hi ava hlu in ava mak si em! Siami hawina lam apiang chu a thim vek a, dam thlakhlelhna reng reng hi a nei tawhlo. Rinawm taka a hmangaih tana a nunna chu hlan mai loh chu tihtur a nei tawhlo. Thih thlenga hmangaih tura a tiam pui ngei chuan a lo phatsan tak si ah chuan amah tal chuan a ti hlawhtling tur ani tih chu a rilru ah a lian tlat tawh. No ruak a la a, Tur hlauhawm tak chu a chhung lut a, a hma ah chuan  a hung a, a ngaihtuah na chuan kiltin reng a hawl tawn zawk zawk a, lehkha leh a ziahna tur a la a, engber nge  aziah dawn a hre chuanglo, a ngaihtuah vang vang hnu chuan “ Ka nu leh Pa leh ka unaute u, ka thiltih ah hian min ngaidam hram ang che u” tih hi a ziak a, abak ziah tur a hrelo mai ni lovin, a ziak thei tawh thlawtlo a ni.

        Khawi nge a tawp nan tiin Tluangtea chu mobile a han biak pawh hram a tuma, mahse a be tlang thei silo, abeidawng chuan Tluangtea te chhung hnai tak, amah Tluangtea pawh a len luhna ber nula chu a han dial leh a, vawi thum lai a ring zo leh ta vek mai. Chutah beidawng em em in a phone chu a dah a, a rilru buai leh kiltin kiltang ngaihtuah chu thil pakhatah a in sawrbing leh ta a, “Thih thlengin...” a khum bula in mai tura a siam sa Tur hlauhawm tak chu a chawikang a, a thlir ngawih ngawih a, “Tluangte, I thutiamah chuan ding zolo vin min phatsan mah la, kei chuan ka phatsan lovang che, Thih thengin ka hmangaih ang che” tiin tur chu a in zo ta vek a, a pum alo sa hut hut a, a ngaithtuahna a bing chuk chuk a, a khawhmuh a hnai tual tual a, a mobile chu a han la leh a,  “Kei chu ka inpeih ta! Aw.... Thihna, i lam ka lo hawi e, ka In ta, ka taksa leh ka nunna chu ka hmangaihber tan ka hlan e, I nu hnenah mawlh khan ngaihdam min lo dilsak ang che, ka tlin rei dawn talo, min hmuh hun chuan muhil mai mai emaw min ti anga, mahse a va barakhaih nasa dawn em!...”  tih hi a chhu a, Tluangte hnen thleng tura thawn a tum laiin a khaw hmuh a chiang tawh lova, eng number nge a hmeh pawh a hre kim thei tawh tlatlo!

        Chutih laitak chuan a phone chu a lo ri a, Tluangtea te chhung nula kha  alo ni a, rei pawh an in be hman lova, ani chuan “I taksa leh thlarau tana pawi turin engmah in ti suh aw” a rawn ti a, mahse a tlai lutuk tawh. A  nih tur ang ang a ni zo tawh a, chu Tur hlauhawm tak chuan a fan tur zawng zawng a fanchhuak vek tawh tlat a ni.
            A ke a khur a, a ban a zawi zo ta, a khum ah chuan a bawk a, a pum a lo na ta tan ta bawk, a chhungte chu tumah an awm lova, a u te leh a nu chu lamhnaia an huan ah an kal a, a pa tar chak tawhlo tak chu thenawmte in lamah a leng chhuak bawk si, mahni chauh vin, Khawvel mi tawrha na ber mai chu a tuar mek a, a rilru chu a harh kar reng a, Tluangtea chu ala hmangiah reng ani tih pawh a hria a, ama tan chauha nung tura a in tiam tawh avangin, chu a thutiam chu a ti hlawhtling mek ani tih pawh a hria, peihlo chung chungin, a han mu rem a, a chhungten an hmuh hunah pawh muhil ang maia an hmuh theih nan a han in siamrem a, chiangkuangin engmah a hmu thei tawhlo, thim chu a lo hnai zel a, a pum na chu a zual tulh tulh bawk a, chutah a thim hlen ta!

        Thenawmte in vela leng apa chu a lo haw a, “Siami” a han ti a, “Siami” a han ti nawn leh a, mahse chhangtu an awm hauh lo. A pa chuan choka lam a han thlek vel a, tumah an lo awm lova, Sitting room lam a han en leh a, tumah an awm chuanglo. Bed room lam a han lut phei a, Siami chu tui em em a muhil ang mai hian a lo mu a, “Tho teh, mut hun pawh  anih loh hi” tiin a pa chuan a han kaitho mai dawn a, mahse a taksa chu alo vawt em em a, a kut  leh ke te chu a lo dum vek mai a, mang ang em em in thenawm khawveng an  a au khawm a, a rang thei ang berin Damawiin lam an panpui nghal ta rum rum a, huan lama an chhungte kal pawh an in ko va, veng chhunga an chhung khat laina pawh reilote ah an kim nghal thup mai. Damdawiin tual ah chuan lirthei chi hrang hrang a rawn in hung nghal sup sup a, chanchin ngai changin mipui chu an ngawi thup mai a ni.

        Nurse zam tha tak takte chuan a tul apiang an khawih nghal char char a, thi chhawnga let rengin  Siami chu a rawn meng a, a rawn harh leh tan ta, damlo awmpuitute chu pawna chhuak vek tura an tih avangin an chhuak sang sang hlawm a, chutih lai chuan nurse pakhat chuan Siami chu a bawihsawm mek a, fiah vaklo hian,  “Pathianin min la ngaidam duh angem?” a rawn ti a, Nurse chuan, “E, duh tehreng mai, A hnenah chuan ngaihdam dil la, tawngtai ta che” tiin zaidam takin alo hrilh a, Siami chu amaimitchhinga a ma hriat tawk leka zawiin Pathian hnenah chuan ngaihdam a dil a, chutih lai chuan achhungte chu luh an phalsak leh ta a, Siami’n a pa hmuh veleh chuan an in pawm vawng vawng a, “Ka pa min ngaidam rawh aw” alo ti a, a pa chu a hnuk a ulh nasa lutuka engmah a sawi hlei theilo, thei leh thei lovin “Siami ka ngaidam lutuk che” a ti thei tawk a, apa rilru ah chuan Siami pian lai te, a naupan laia kal a zirtir lai te, a lo lang chuai chuai a.

        Thlasik khua tiihtakah a vawt hle mai, mahse chutiang khawvawt hnuaiah pawh chuan an thiannu, an rawngbawlpui, an veng nula, an farnu chu enge a dinhmun tur chiah hriat theih ala nih loh avangin Damdawiin tualah chuan Thalai tamtawk tak hi an awm nghuk renga, makpa fel deuhte an phe char char bawk a, thuthar leh thu danglam a awm apiangin an in hrilh chawngnghal mur mur zel a, chutih lai chuan Siami chuan a riltam thu a rawn sawi a, Doctorte chuan Rosgulla ei se a tha ang an tih avangin an han lei nghal chuk chuk a, pakhat bak a ei thei chuanglo.

        A taksa chu a vawt em em a, mahse a lum a tih tlat avangin tui vawt ten an dep mek a, a hnung chu na a ti hle bawk a, a ke chu zutsak se a duh bawk, a tawng peih vak lova, a khawhmuh a chianloh avangin tumah a hre hrang heklo, amah avangin mipui tamtak Damdawiin tualah chuan an awm mek a ni tih pawh a hre heklo. Khua chu a tlai zela, a harh zel dawn emaw tia beiseina sang tak miten an neih laiin Siami hnar atang chuan bawlhhlawh a lo chhuak leh a, a chauh a zual ta tlat mai, zan dar 9:oo a nih meuh chuan a hmangaih em em, a nunna ai pawha a hmangiah, “Thih thlengin aw..” ti a, a lo tiam tawh tan ngei chuan a nunna hlu tak chu a hlan ta!

        Nu chang tap thawm a lo ri rawih rawih a, damdawiin tuala mipui awmkhawmhote pawh an nghing nghal luih mai, engkim mai chu a buai ta nuaih ni hian alanga, Siami a awm talo. Siami kan then ta. Damdawiin chhung leh pawn lamah chuan  tap thawm a ri chuah chuah a, nula leh tlangval hote pawh a ri in tap lo mahse an inhnit hlawp hlawp hlawm a, an thinlung a hneh hlawm hle mai, tlangval tlawmngaiten In lam singsa turin an hriattir vat a, Doctor lam ten tihfel tur an la neih avangin a ruang chu khumah chuan an zalh reng a, a hmel thatna leh a duhawmna te chu a la ngai vek a, mahse famkhua  a lawi ta si.
        Damdawiin atang chuan Tlangval tlawmngaite chuan a zawnin kan zawn thleng tur a ni tiin In thleng in an zawn a, mipui tamtak, Inchhung ah leh pawnah chuan an khat vek tawh, Siami ruangin an in a han den meuh chuan Pachang pawhin insum harsa an va ti em! Ama khum ngei ah a hmangaih ber tana anunna a inhlanna hmun ngeiah chuan an zalh a, reife chhung chu mipuite pawh chuan khawhar hla sa a zai chu an ti thei lova, an tap ngawih ngawih vek mai a ni.

        An veng chhunga nu valai leh Pa valaite, Thalai zawng zawng leh veng hla lama thenrualte chuan tlaivar thakin Siami ruang chu an men pui a, tui takin In khat tlatin an zai tlaivar a ni. Khua a lo var tan dawn ta tih ah chuan Paber rilru tawt chu a lo puak chhuak ta, patling rawl tapri a han rik meuh chuan zai chu sawiloh, hawi chhuak thei pawh an awm meuh talo. “Mate, thih thleng in aw ti a i tiamna chu i hlen ta maw? mahse i hlenchhuah dan hian min va ti lungngai si em!!!”

        Khawvela kan hmangaihber te, kan duhberte tan hian “thih thlengin aw..” tia kan tiam ngam ang hian, Mihringte Sual thuk taka pilbo lova kan awmna turin Isua Krista chuan, “Thih thlengin aw..” tiin a tuar a, chuvanga Nunna nei kan lo ni. Chutiang bawkin, keini pawhin, Khawvel thil mai mai a Thih thleng rawk khawpa kan in huam anih si chuan, kan tana Nun petu Krista tan chuan “Thih Thlengin aw ....kan ti ve dawn lawm ni.

       

Commissioner

KA CHHINGMIT KHAR LAI

{|s,  :s,  :s,  /l,  :-  :s,  |s,  :- .s,  :d  /d  :-  :-  |d  :m  :m  /m  :-  :r  |d  :-  .r  :d  /l,  :s,  :s,  |s,  :-  :-  /-  :-  :}
He lei hring nun          buaina    ram ah       Ka chantawk    khua  rel    ka  han dawn thin a

{|s,  :- .s, :s,  /l, :- :s,  |s,  :- .s,  :d  /d :-  :-  |d  :m  :m  /m :-  :d  |m  :m  :- .m /m :r   :d  |d :-  :- /- :-  :-}
Thimna   leh    thaw  pik   na  mai maw     Ka chantawk reng      hi lo         ni e,    Lalpa


{|r   :r   :r   /r  :- :d  .|d  .m  :-  :r  |d   :-  :-  |s  :s  :s  /s  :-  :-  |m  :-    :r   /d   :-  .r  :m  |r :-  :d  /m :m :- .m}
Hringmi naufa                 zaleng    zawng ten       I kutchhuak ro ---   pui                 hmu     in    an chhiar         mahse ka


{|r  :d   :m  /r   :d   :l, |s, :-  :-  /s, :- .s,  :d |m  :-   :m /m  :- :d |r :- .m  :r   /d  :-  :- ||
nun     na    ah           Lalpa    Thimna   lal in       ro  a           rel e    Lalpa

A diklo mai thei ka hriat dana ka dah a nia, tihsual palh ah ngaihdam dil chungin, a siam dik hna i thawk tlang teh ang u.